Gjykata e Kurbinit, ka vendosur dënimin me burgim të përjetshëm të Markel Bushit, personit të akuzuar për vrasjen e dy kushërinjve në këtë qytet. Trupi gjykues pranoi kërkesës e përfaqësuesit të akuzës së Laçit, i cili në pretencën e tij, kërkoi dënimin me burgim të përjetshëm të arrestuarit Bushi.
Nga ana tjetër, avokati dhe familjarët e të pandehurit, pretenduan se vrasja e dy kushërinjve në Laç, ishte realizuar nga Markel Bushi, pasi ky i fundit ishte mbrojtur nga kërcënimi i tyre për ta vrarë.
Për ngjarjen e vitit 2019, i akuzuari u shpreh në gjykatë se ishte penduar, por qëlloi për tu vetëmbrojtur. Në muajin prill 2019, Bushi ekzekutoi me armë zjarri dy kushërinjtë, Kelvin dhe Erjon Jushi.
Vetë personi i pandehur, Markel Bushi, ka pranuar autorësinë e krimit të vrasjes me armë të dy kushërinjve, duke shfaqur pendesë, por shtoi se e kishte kryer për vetëmbrojtje.
Krimi i rëndë ka ndodhur në 28 prill 2019, në qendër të qytetit të Laçit dhe shumë pranë komisariatit të këtij qyteti. Dy kushërinjtë Mikel dhe Jani Jushi u ekzekutuan me breshëri plumbash.
Gjithçka ndodhi pasi vëllai i Markelit, Manueli është konfliktuar verbalisht me dy kushërinjtë Jushi, në një lokal në qendër të Laçit. Pas debatit, në ndihmë të tij shkuan Vincesk dhe Markel Bushi, ku gjatë hetimeve është provuar se personi që ka qëlluar mbi dy kushërinjtë ka qënë pikërisht, Markel Bushi. Ndërsa dy bashkëpunëtorët e tij në këtë krim si Manuel Bushi dhe Vincesk Bushi, janë hetuar dhe gjykuar veçmas, duke u dënuar për akuzën e “Moskallëzimit të krimit” dhe “Përkrahje e autorit të krimit”.
