Policia e Elbasanit finalizoi dje operacionin “Kartëmonedha”, ku ranë në pranga shtatë persona të akuzuar për falsifikim parash.Raportohet se mes të arrestuarve është edhe i Rezart Kovaçi, ish prefekti i Elbasanit.
Policia sqaroi dje se të arrestuarit në bashkëpunim me njëri-tjetrin, gjatë një periudhe kohore disamujore, kanë hedhur në treg dhe kanë përdorur kartëmonedha të prerjeve të ndryshme të dyshuara si të falsifikuara, në disa qytete, si Elbasan, Tiranë, Krujë, Fier etj.
Gjatë operacionit, këtyre shtetasve u janë gjetur dhe sekuestruar në cilësinë e provave: 158.000 lekë shqiptare të dyshuara si të falsifikuara, 9 aparate celular edhe 2 automjete.
Në pranga kanë përfunduar Altin Veizaj, 50 vjeç, banues në Fier, Bardhul Meçe, 56 vjeç dhe Ina Hysa, 32 vjeçe, banuese në Librazhd, Rezart Kovaçi, 48 vjeç, Drilon Alimetaj, 20 vjeç dhe Arbër Tafa, 30 vjeç, banues në Elbasan. Izair Çitozi, 27 vjeç, banues në Krujë.
