Ngjarja më e komentuar së fundmi në rrjet ka qenë një postim në Instagram i Elvisit i johur ndryshe si Loco, që solli një debat të ashpër në studio mes tij dhe Antonelës, po ashtu edhe me opinionistin Arjan Konomi, ndërsa gjithçka kulmoi me largimin e Locos nga programi.
Ndërkohë së fundmi në krah të Arjanit në lidhje me këtë debat ka dalë aktorja Ajsi Xhaxhaj, e cila i është drejtuar atij publikisht me disa fjalë, teksa ka rrëfyer edhe eksperiencën e saj personale pas një denoncimi për abuzim që ka bërë disa vite më parë.
Ajsi thotë se askush më mirë se ajo nuk mund ta besojë opinionistin e “Përputhen” në lidhje me reagimin që ka bërë ndaj një femre që i është treguar litari. Sipas saj, Arjanin nuk e ka takuar kurrë, megjithatë ai ka qenë i vetmi person i medias që e ka mbështetur 10 vite më parë kur ka bërë denoncimin e saj dhe pikërisht veprimi i tij i kishte dhënë familjes së saj kurajo në një moment të vështirë.
Aktorja po ashtu i kërkon Konomit mos hezitojë kurrë ta thotë mendimin e tij dhe shprehet se vendit tonë i duhen sa më shumë njerëz si Arjani.
