Manchester City dhe Real Madrid janë skuadrat e radhës që kualifikohen në çerekfinalet e Champions League.
Skuadra e Guardiolës ka mundur 2-0 Borussia Monchengladbach në ndeshjen e kthimit të 1/16-ave të Champions League me rezultatin e përgjithshëm 4-0.
Takimi i luajtur mbrëmjen e sotme në Etihad është vendosur në 18 minutat e para. De Bruyne ka hapur sfidën me një super gol në minutën e 12-të dhe Gundogan e ka mbyllur në të 18-ën.
Nga ana tjetër Real Madrid ka mposhtur lehtësisht Atalantën 3-1. Për skuadrën e Zidane shënuan Benzema 34’, Ramos 60’ dhe Asensio 85, ndërsa për Atalantën shkurtoi përkohësisht shifrat në 2-1 Muriel.
Real Madrid kualifikohet në çerekfinale me rezultatin e përgjithshëm 4-1, duke përfshirë këtu edhe takimin e parë në Itali e mbyllur 0-1 në favor të madrilenëve.
