E ftuar në studion e ‘Open” doktoresh Mira Rakacolli foli lidhur me situatën e krijuar tashmë me vaksinën Astra Zeneca. 23 vende e kanë pezulluar marrjen e kësaj vaksine me argumentin se shkakton mpiksje të gjakut, por Shqipëria vazhdon ta marrë. Doktoresh Mira Rakacolli u pyet nga moderatorja Eni Vasili rreth këtij debati se pse Shqipëria vazhdon ta marrë këtë vaksinë.
“Komiteti i Ekspertëve të Vaksinimit ka vendosur që të vazhdojë trajtimi i të gjithë personave me vaksinën Astra Zeneca. Kjo do të ndodh deri sa EMA dhe OBSH të dalë me një përfundim”, tha Rakacolli.
Vasili: A ka problem marrja e kësaj vaksine?
Rakacolli: Nuk mendoj se do të ketë problem. Deri tani edhe EMA edhe OBSH thonë se rastet e trombozës po vlerësohen rast pas rasti. Janë bërë rreth 37 milion vaksina në botë dhe gjithsej raste trombotike janë 37. Është një numër shum ëi vogël
Vasili: Këto 23 vende nuk e kuptojnë këtë diferencë të vogël?
Rakacolli: Çdo vend ka qendrimin e vet. Si Belgjika, Kroacia po e vazhdojnë. Specialistët e vlerësojnë. Vlerësojnë OBSH dhe EMA dhe nuk duket se mund të ketë lidhje direkte tromboza. Tromboza ndodhin edhe nëse nuk e ke bërë vaksinën. Vaksina të mbron vetëm për atë sëmundje për të cilën ti e bën vaksinën. Ngjarje trombotike në studime nuk rezultojnë se janë të kidhur me vaksinën , nuk mund të dyshojmë.
Vasili: Kemi në Shqipëri raste trombotike?
Rakacolli: Jo në Shqipëri nuk kemi raste trombotike. Kemi të ngritur një komitet që vlerëson efektet anësore dhe të Pfizer. Nuk e kam shifrën se sa janë vaksinuar
Vasili: Ka pasur mësues që janë tërhequr?
Rakacolli: Po është e vërtetë. Është qendrimi i tyre. Ka njerëz që kanë refuzuar edhe Pfizer. Ne kemi për detyrë që t’i sigurojmë vaksinën, dhe ata vendosin. Edhe sikur të ishte, me këto numra që janë tani, rreziku llogaritet 0.07 në 1000 raste.
