Deputeti Lefter Maliqi ka ironizuar fluturimin me parashutë të socialistit Blendi Klosi disa ditë më parë. Në një deklaratë për mediat jashtë selisë së Kuvendit, Maliqi tha se nuk merren votat nga ajri duke shtuar se PS nuk merr më shumë se tre mandate në këto zgjedhje.
“Ky parlament duhet të përfundojë dhe të vijnë këtu deputetë të rinj. Presidenti po luan një rol vendimtar për të mbrojtur kushtetutën kur të gjitha institucionet janë të kapura. I bëj thirrje policisë së Shtetit të distancohet nga urdhrat politikë. Ka ikur koha e skenave të errëta. Ka ardhur momenti i një fitoreje të madhe. Mbi gjysma e deputetëve do digjen dhe nuk do jenë më në parlament. Tani po i bën presion dhe Lelit. Kohët e fundit pati edhe një fluturim nga ajri në Berat. Më vjen keq për Klosin por nuk merren vota nga ajri. Mora katër mandate me mbështetjen time, por nuk i merr dot më. Në Berat nuk merr më shumë se tre mandate Partia Socialiste. Nuk ka forcë që e ndalon uraganin. Votat do i kem të socialistëve të zhgënjyer”, tha Blendi Klosi.
