KOSOVË- Teksa ka marrë detyrën e re si drejtues i Lidhjes Demokratike të Kosovës, Lumir Abdixhiku ka shpallur kryetar nderi të partisë, ish-kryetarin Isa Mustafa.
Lajmi është konfirmuar edhe me anë të një njoftimi të bërë publik për mediat nga ana e LDK-së.
“Me propozim të kryetarit të LDK-së, Lumir Abdixhiku, Akademik Isa Mustafa shpallet kryetar nderi”, thuhet në njoftim.
Kujtojmë se sot Lumir Abdixhikun u zgjodh kryetar i ri i këtij subjekti, ku ka arritur të marrë mbi 190 vota nga 329 delegatë që kanë votuar.
Në garë për këtë post ishin edhe Lutfi Haziri dhe Besian Mustafa. Haziri ka marrë 117 vota, kurse Mustafa vetëm 16.
