Më 8 qershor, Kombëtarja shqiptare do të zhvillojë një ndeshje miqësore me Republikën Çeke. Lajmi është konfirmuar nga Federata Shqiptare e Futbollit, e cila njofton se miqësorja do të luhet në Pragë.
Ndeshja në fjalë vjen 3 ditë pasi Shqipëria do të sfidojë në “Cardiff City Stadium” Uellsin. Kjo do të jetë ndeshja e parë e Shqipërisë me Republikën Çeke në histori.
Në të kaluarën Kombëtarja shqiptare ka zhvilluar 5 duele me Çekosllovakinë, nga të cilat 3 miqësore dhe dy ndeshje të vlefshme për eliminatoret e Kampionatit Europian.
