Rreth orës 16:30 në aksin e rrugës Elbasan-Ish Kombinati Metalurgjik është regjistruar një aksident i rëndë, në të cilin janë përfshirë tri automjete.
Raportohet se aksidenti ndodhi në Katund i Ri , në afërsi të Rreth-rrotullimit të Bradasheshit.
Dy nga tri automjetet që u përfshinë në aksident kanë përfunduar jashtë rruge duke pësuar dëmtime të mëdha.
Fatmirësisht nga përplasja mes tyre e tri automjeteve disa nga personat e lënduar sipas burimeve nga vendngjarja nuk kanë pasur lëndime serioze.
Aktualisht po punohet për përcaktimin e shkaqeve dhe rrethanave në të cilat ndodhi aksidenti, ndërsa trafiku ka qenë tejet i rënduar.
