Mbrëmjen e djeshme në programin “Dua të të bëj të lumtur” ishte e ftuar aktorja e madhe, Tinka Kurti, e cila 21 vite më parë i kishte vendosur emrin një vajze në Kosovë dhe tashmë vajza kishte ardhur të suprizonte aktoren.
Arbana Osmani kishte përgatitur një intervistë me Tinkën. Gjatë intervistës, Tinka rrëfeu momente nga rolet e saj përgjatë gjithë karrierës, por vend të veçantë për të zinte roli i parë që kishte luajtur.
“E mbaj mend herën e parë që aktrova, ishte një rol nuseje që po martohej pa dëshirën e saj dhe normalisht po qaja. Aty regjisori më pyeti se pse po qaja dhe kur i’u përgjigja më tha që nuk kisha lidhje me këndinimin, por direkte duhej të bëhesha aktore”,- u shpreh Tinka Kurti.
Përpara 3 viteve, fatkeqësisht djali i aktores ndërron jetë në Kanada dhe kjo ngjarje ka qenë një ndër momentet më të vështira për Tinkën. Aktorja rrëfeu se që nga ajo ditë kishte vite që nuk kishte dalë në një skenë televizive dhe e përlotur shtoi: “Po flisja me të në telefon dhe një orë më vonë më merr nipi e më thotë që babai nuk do vijë të të takojë nënë sepse ai sapo ndërroi jetë…”.
