Partizani ka mposhtur në derbi, Tiranën kampione në fuqi me rezultatin 1-2. Heroi i kësaj përballjeje spektakolare ishte Jurgen Bardhi i cili shënoi golin e fitores në minutën e 59-të. Aksion fantastik i skuadrës së Dajës dhe në fund Çinari pason për Bardhin i cili çon në festë të kuqtë.
Pjesa e parë e takimit u mbyll në barazim 1-1 teksa të parët në avantazh kaluan pikërisht Partizani me anë të Belicës në minutën e 29-të. Reagimi i Tiranës do të ishte i shpejtë teksa 10 minuta më vonë rikthyen baraspeshën me anë të Hoxhallarit.
Në pjesën e dytë të takimit, Partizani do të dominonte bardheblutë dhe përveç golit të Bardhit, do të kishte edhe disa raste të mira për shënim. Përfundimisht 1-2 dhe skuadra e Dajës futet fuqishëm në luftën për titull kampion duke u ngjitur në vendin e dytë në kuotën e 42 pikëve.
