Derbi i kryeqytetit, Tirana-Partizani i treti për këtë sezon, starton prej orës 13:00 në stadiumin “Selman Stërmasi”. Trajnerët, Shehi dhe Daja kanë publikuar edhe formacionet zyrtare. Bardheblutë rreshtohen me tre në mbrojtje, sikurse u pa në seancën e djeshme stërvitore. Ndryshojnë emra, pasi Vangjeli luan krah Behiratche dhe Hoxhallarit.
Në portë Bekaj është i paprekshëm, kurse krahët mbulohen nga Toshevski e Ismajlgeci. Batha, Çelhaka e Toli ngrenë digën në mesfushë, kurse në sulm ka shumë lëvizshmëri e teknikë, me dyshen Seferi-Cale.
Në krahun tjetër edhe Partizani do të ketë një sulm identik, pa pika referimi. Çinari luan në majë, i mbështetur nga Asani dhe Cordeiro. Mesfusha nuk ndryshon, me Brojën, Muratajn dhe Bardhin, kurse në mbrojtje Idrizaj luan krah Bitrit, Belicës dhe Hakajt.
Formacionet zyrtare:
TIRANA (3-5-2): Bekaj – Vangjeli, Behiratche, Hoxhallari – Toshevksi, Toli, Batha, Çelhaka, Ismajgeci –Cale, Seferi.
PARTIZANI (4-3-3): Hoxha – Idrizaj, Bitri, Belica, Hakaj – Broja, Murataj, Bardhi – Asani, Cordeiro, Çinari.
