Zbardhen emrat e personave të arrestuar lidhur me vrasjen e Behar Sofisë.
66-vjeçari u qëllua me armë zjarri në bulevardin “Bajram Curri” në Tiranë mëngjesin e 25 Shkurtit, duke humbur jetën.
Të arrestuarit
Katër persona jën vënë në pranga lidhur me krimin.
Të arrestuarit janë:
- Ernejt Shyti, 24 vjeç, lindur dhe banues në Tiranë
- Skënder Vathi, 54 vjeç, lindur në Arrameras, Fushë Krujë dhe banues në Tiranë.
- Leonar Xhixha, 30 vjeç, lindur dhe banues në Arrameras, Fushë – Krujë, i dënuar më parë për veprën penale “Vrasja me paramendim” ngelur në tentativë.
- Xhuljano Visha, 28 vjeç, i dënuar më parë për veprën penale “Vjedhja”.
Rolet
Sipas policisë, ekzekutori është Ernejt Shyti, i cili menjëherë pas vrasjes është larguar në drejtim të Malit të Zi. Ai u arrestua mbrëmjen e djeshme në shtetin fqinjë dhe u dërgua drejt vendit tonë. Sipas raportimeve mediatike, Shyti ka pranuar krimin, ndërsa është zbuluar nga gjurmët e ADN-së.
Personat e tjerë ndërkohë, bashkë me ekzekutorin, dyshohet se kanë organizuar vrasjen e Behar Sofisë duke siguruar mjetet, armën, si dhe kanë mbajtur nën mbikëqyrje lëvizjet e viktimës për disa kohë, deri në momentin e ekzekutimit të tij.
Sipas hetimeve, Skënder Vathi ka kontaktuar Leonard Xhixhën për të gjetur një person për të ekzekutuar Behar Sofinë. Ky i fundit ka kontaktuar Xhuljano Vishën, 28-vjeçari i cili më pas ka rënë në kontakt me Ernejt Shytit, që ka marrë përsipër atentatin. Armën e krimit, sipas të njëjtave burime, Shytit ja ka çuar pikërisht Xhuljano Visha. Këta dy të fundit dyshohet po ashtu se janë personat që kanë mbajtur nën vëzhgim viktimën.
Mister porositësit
Në dëshminë e tij, Shyti është shprehur se i ishin premtuar 50 mijë euro për vrasjen e Sofisë, shumë të cilën ai thotë se nuk e ka marrë.
Nga grupi hetimor janë sekuestruar prova materiale si automjete, aparate telefonike, karta sim, që mund të cojnë në autorët të tjerë të mundshëm të përfshirë në krim dhe porositësit e vrasjes, që mbeten ende mister.
Sofia ka qenë i dyshuar dhe për trafikimin e heroinës nga Turqia drejt Shqipërisë.
Lexo edhe:
Vrasja e Behar Sofisë, ekzekutori i dyshuar: Më premtuan 50.000 euro
Lexo edhe:
Ekzekutimi i Behar Sofisë, RENE-a kontrolle në “Lanë” për gjetjen e armës
