Mjeku endokrinolog Geron Husi ka humbur betejën me koronabvirusin. Mjeku i QSUT-së ishte i shtruar në një spital në Turqi, ku u transportuar pas përkeqësimit të gjendjes së tij, pas infektimit me Covid.
Lajmin për ndarjen e tij nga jeta e konfirmon mjeku Tritan Kalo.
“Kohë kovidiane….13.03.2021….E pabesueshme por dhëmbshurisht e vërtetë….Sars-Cov2/Covid-19 edhe kësaj here goditi tinëzisht….Armatës së Mantelbardhëve nga sot e tutje do ti mungojë një anëtar i shquar i saj, Dr. GERON HUSI….Gojëmbëli, zemërmadhi, mëndjendrituri, buzëgazi, fjalëpaku dhe punëshumi si ai….Vinte kurdoherë te ne në Infektiv për konsultat Endokrinologjike, e sillte kurdoherë me vete një fllad induktues të optimizmit jetësor….I kthjellët, i saktë e profesionalisht i përkryer në çdo gjë që bënte…Kam mbi 30 vite njohje personale me Dr. Gerin, ndaj edhe tash që po hedh këto fjalë në FB tim ende nuk më besohet se është ky takimi im i fundit me të…Buzëqeshja, optimizmi dhe humori yt do mbeten përjetësisht të skalitura në mëndjen time….Dr. Matildës dhe Ergit ju shpreh ngushëlimet më vëllazërore…..Të bëhen të fortë dhe të jenë kurdoherë krenar për Mjekun, Bashkëshortin, Babain dhe Kolegun tonë shëmbullor, Dr. Geron Husin… U prehsh në Paqen e përjetëshme Mik!!!”, shkruan Kalo në një postim në FB.
Në një reagim një javë më parë, mjeku Pëllumb Piero shprehej se Geron Husi ishte në terapi intensvie në spitalin “Medical Park në Stamboll”.
