Policia e Bashkisë ka zbarkur në zyrat e FRD-së në qendër të Tiranës duke kërkuar lirimin e tyre. Raportohet se në derën kryesore të selisë së FRD-së është vendosur një shënim ku kërkohet “lirimi i menjëhershëm i ambienteve”.
Bashkia i drejtohet përmes një shkrese nënkryetarit të FRD-së, Sali Shehu, se Bashkia e Tiranës është në proces të vazhdueshëm të sistemimit të zyrave, për stafin dhe njësitë administrative, duke kërkuar lirimin e ambienteve brenda 10 ditëve.
Prej disa vitesh, FRD është e vendosur në ish-selinë e Partisë Demokratike në qendër të Tiranës, pasi kjo e fundit u zhvendos në një ambient tjetër në krah të Lanës.
