Austria ka aprovuar ekstradimin e një bosi të mafias ruse, grupi i të cilit është përgjegjës për një numër të madh vrasjesh.
Gjykata rajonale e Vjenës vendosi të dërgojë në Rusi Aslan Gagiev, i njohur ndryshe si “Dzhako”, për t’u përballur në një proces gjyqësor ku është i pandehur për një seri krimesh.
Ai dyshohet të ketë qenë në krye të një organizate të dhunshme kriminale ruse që konsiderohet përgjegjëse për 60 vrasje të kryera në Moskë dhe në rajonet e Kaukazit të Veriut.
Përpjekja e tretë e ekstradimit u aprovua pas garancive se Gagiev do të ketë një proces të drejtë në Rusi, nën mbikëqyrjen e zyrtarëve austriakë, raporton agjencia e lajmeve ruse “Interfax”.
Përveç akuzës së drejtimit të grupit kriminal, bosi rus akuzohet se ka kryer personalisht 6 vrasje dhe ka plagosur seriozisht 3 persona, kanë deklaruar burime nga policia austriake.
Ai u largua nga Rusia në vitin 2013 dhe në janar 2015 u arrestua nga policia austriake pasi informacioneve të Interpol se ndodhej i fshehur në Vjenë.
Grupi kriminal i Gagiev dyshohet për vrasjen e disa oficerëve të policisë dhe të zyrtarëve qeveritarë të nivelit të lartë, përfshirë zv.presidentin e rajonit rus të Osetisë Veriore.
