Masat aktualisht në fuqi për parandalimin e përhapjes së koronavirusit do të vijojnë të mbeten të pandryshuara.
Ministrja e Shëndetësisë, Ogerta Manatirliu njoftoi këtë të Enjte në një deklaratë për mediat me anëtarët e Komitetit të Ekspertëve, se masat do të vijojnë të jetë të njëjtat deri në një njoftim të dytë, edhe pse numri i infektimeve mbetet shqetëses dhe ka një tendencë të rritjes.
Kështu, do të mbetet në fuqi orari policor nga ora 6 e mëngjesit deri në 8 pasdite. Gjatë këtij orari do të vijojnë të qëndrojnë të mbyllura edhe baret e restorantet, ndërsa shërbimi “delivery” do të funksionojë.
Për lëvizje jashtë fashës policore nevojitet marrja e lejes në portalin qeveritar e-Albania.
Fluturimet me Britaninë mbeten të pezulluara.
Univeristetet do të funksionojnë online ashtu si dhe shkollat e mesme që deri më tani kanë proceduar në këtë mënyrë.
“Komiteti mori në shqyrtim vendimin e Gjykatës Kushtetuese që na sugjeron që të ndërmerret një afat për masën që kemi propozuar në lidhje me grumbullimt. Komiteti e quan të arsyeshme që këtë herë të jetë për dy javë dhe do të rivlerësohet pas 2 javësh, njëjtë si masat e tjera”, u shpreh zv/ministrja e Shëndetësisë, Mira Rakacolli.
Konfirmohet mutacioni britanik në vend
