Nga sot për 10 ditë devijohet qarkullimi i automjeteve në zonën e Astirit për shkak të punimeve në Unazën e Re.
Autoriteti Rrugor Shqiptar bën me dije dhe akset që do të bllokohen.
Devijime do të ketë në rrugën “Teodor Keko” e njohur ndryshe dhe si zona e Astirit për automjetet që shkojnë e vijnë nga sheshi “Shqiponja” në mbikalimin te “Pallati me shigjeta.”
Pas kalimit të rrugës “Aleksandri i madh” automjetet do të kalojnë në një kryqëzim aktual, por në rreth rrotullimin e ri të përkohshëm në zonë e njohur si “Ozon”.
Për pasojë edhe bulevardi “Migjeni” nuk do të ketë kalim në rrugën “Teodor Keko” dhe do të bllokohet në rreth-rrotullimin ekzistues.
Kështu, kalimi për qytetarët në rrugën që lidh “Sheshin Shqiponja” me mbikalimin e “Pallatit me shigjeta” do të jetë i mundshëm vetëm përmes rrugës “Engjëll Mashi.”
Ky është njoftimi që ka bërë Autoriteti Rrugor për shkak të punimeve që po bëhen në Unazën e Re.
Projekti për Unazën e Re ka dështuar për shkak të disa tenderimeve, si dhe për shkak të tkurrjes së fondeve pasi fillimisht ishte parashikuar një fond prej 1.2 miliard lekësh, por më pas ky fond është tkurrur. Kjo ka bërë që punimet të shtyhen. Gjithashtu shkak është bërë edhe ndryshim i një pas njëshëm i planit për Unazën e Madhe.
