Një shqiptar, është dënuar nga Gjykata e Plymouth për transportin e më shumë se 2.5 kg kokainë.
Mediat lokale raportojnë se Gëzim Prenga 33 vjeç u dënua me 5 vite burg nga gjykata e Plymouth pasi ishte kapur duke transportuar kokainën nga Londra në këtë qytet.
Prenga bëri 5-6 udhëtime duke transportuar kokainën dhe mori shuma të mëdha parash për t’i dërguar në Londër, këtë e ka deklaruar edhe gjykatësi.
Para se të jepte vendimin, gjykatësi iu drejtua shqiptarit: “Unë pranoj që ke luajtur rolin e korrierit. Ti ke furnizuar me këto drogëra të njëjtin person në të njëjtën adresë”.
“Ti mund të kesh qenë nën presion financiar, por nuk ka justifikime. Ti nuk mund të deklarosh se nuk e dije se ku ishte përfshirë. Ti ke luajtur pjesën tënde në një mjerim njerëzor”.
Shqiptari do të dëbohet nga Anglia pas përfundimit të dënimit.
Gjykatësi Lawrie e ka përgëzuar për karakterin e mirë dhe rrëfimin e menjëhershëm gjatë marrjes në pyetje nga policia.
Prenga, nga Wood Green, Londër, pranoi se kishte bërë ujdi për të transportuar kokainën
Prenga kishte qenë në Greqi më parë për punë, por kishte vendosur të kthehej në Britani pas krizës ekonomike.
Avokati i tij tha se 33-vjeçari nuk ishte përdorues droge dhe se nuk kërkoi të përfshihej në krim, por kërkoi vetëm të përmirësonte jetesën.
