Gjyqtarja e Krujës, Enkeleda Hoxha u arrestua rreth një muaj më parë e akuzuar për korrupsion, si dhe për lirimin e të fortëve të dënuar me burgim të përjetshëm.
Por si qendron e vërteta?
Report TV ka intervistuar nënë e gjyqtares Hoxha, e cila falenderon publikisht kryeministrin Rama për arrestimin e së bijës, pasi në të kundërt ajo do të vritej.
‘Edi Ramën që ma burgosi vajzën e falënderoj shumë. Do ma kishin vrarë’, thotë nëna e gjyqtares.
Ndërkohë që babai i gjyqtares ka rrëfyer edhe një episod ku ndaj gjyqtares dhe fëmijëve të saj ëhstë goditur me tull, një mesazh i qartë i atyre që kërkonin që Enkeleda Hoxha të shkelte ligjin, në të kundërt do ta pësonte keq.
“Ne skemi dashur që t’i hapim telashe. Përshembull, tek Ekspozita në orën 7:30 të mbrëmjes para disa kohësh ka vërshëllyer një tullë kaq e madhe përpara tyre dhe vajzës së vogël. Nuk e gjetën dot kush e hodhi dhe ne nuk informuam”, denoncon babai i gjyqtares.
Report TV ka sjellë dhe disa pamje nga banesa e gjyqtares, një apartament 65 m2 në lagjen Komuna e Parisit në katin e 11 të një pallati ndërtuar në vitet 2000. Belul Hoxha tregon se është blerë në 2002 dhe ai ka ende këstin e fundit prej 4500 dollarë të papaguar.
