Ergi Dini ishte djali që mbrëmjen e djeshme humbi jetën së bashku me mikun e tij, Kejdi Halili, djali i gazetares së njohur Ernestina Halilit, pas një aksidenti tragjik me motor në Tiranë.
Ergi u bë i njohur dhe fitoi dashurinë e publikut shqiptar pas fitores në ‘X Factor’ në vitin 2014-të dhe pas kësaj ai ishte i ftuar në shumë emisione televizive ku ka dhënë intervista të shumta dhe ka folur gjatë për pasionin e tij për këngën, planet për të ardhmen por edhe pasionet e tjera përtej muzikës.
Në një intervistë të dhënë në ‘InTv’ në vitin 2015 , Ergi ka treguar se dashuria e tij e parë ishin tatuazhet se dhe ka bërë shumë të tillë në trup.
Në dorën e tij shihen disa tatuazhe dhe i pyetur nga gazetarja ai ka treguar kuptimin e njërit prej tyre, një kafke që e mbante në parakrah. Kuptimi i këtij tatuazh ishte se “çdo njeri e ka në dorë jetën edhe vdekjen”. (minuta 14:44)
Vdekja e kobshme e dy të rinjve tronditi opinionin publik ndërsa nga mesazhet dhe deklaratat e bëra më herët prej tyre dukej sikur ata e kishin parandjerë atë cfarë do ndodhte. Ndoshta ata nuk i përkisnin kësaj bote.
