Një efektiv policie në Fierit ka humbur betejën me koronavirusin. Mësohet se është ndarë nga jeta 49-vjeçari Bujar Mema, i cili ishte infektuar me koronavirus dy javë më parë.
Ai ka ndërruar jetë ditën e djeshme, pas komplikacioneve nga virusi i rrezikshëm.
Bujari ishte baba i dy djemve. Ndarja e tij nga jeta është një humbje e madhe për familjen dhe të afërmit.
Për kolegët e Drejtorisë së Policisë së Fierit, Bujari njihej për korrektësinë në detyrë dhe ishte i respektuar nga të gjithë.
