Policia e Tiranës ka arrestuar mjekun Niko Nika, i cili akuzohet mes të tjerash për korrupsion dhe falsifikim të tamponëve të COVID-19.
“Nga Seksioni për Hetimin e Korrupsionit u bë kapja dhe ndalimi i shtetasit N.N., 66 vjeç, pasi Gjykata Kundër Korrupsionit dhe Krimit të Organizuar Tiranë i ka vendosur masën e sigurisë ‘Arrest në burg’ për veprat penale “Korrupsion pasiv i personave që ushtrojnë funksione publike’ kryer në bashkëpunim, ‘Falsifikimi i dokumenteve shëndetësore’, kryer në bashkëpunim, më shume se një herë dhe ‘Ushtrim, ndikimi i paligjshëm ndaj personave që ushtrojnë funksione publike’ kryer në bashkëpunim, më shumë se një herë”, njoftoi policia.
Materialet i kaluan Prokurorisë së Rrethit Gjyqësor Tiranë, për veprime të mëtejshme, shtuan të njëjtat burime.
Sipas hetimeve, Niko Nika, mjek te Instituti i Higjienës, ndërhynte që disa personave t’u bëhej tamponi jashtë radhe kundrejt shumave të parave.
