Një skemë korrupsioni është zbuluar në Universitetin e Shkodrës, ku përfshihen pedagogë, sekserë e studentë që merrnin para në këmbim të dhënies së notave.
Ndërkohë janë zbardhen të tjera detaje nga arrestimet e kryera në Shkodër një ditë më parë me urdhër të Prokurorisë.
Mësohet se në kuadër të operacionit të koduar “THE BILL” (fatura), 9 shtetas janë vënë në pranga dhe 5 të tjerë janë shpallur në kërkim.
“Në kuadër të këtij operacioni është zhvilluar hetim proaktiv, ku është arritur të zbulohet roli i këtyre shtetasve, ku në bashkëpunim me njëri¬tjetrin, kanë ndihmuar studentë të ndryshëm, në Universitetin e Shkodrës, në këmbim të vlerës monetare që varionin nga 100 deri në 300 euro, për të qënë kalues në provime”, thuhet sot në njoftimin e Policisë.
Më datë 21.11.2016 në bazë të veprimeve hetimore u bë i mundur arrestimi i shtetasve të mëposhtëm:
* Simon Lufi, 53 vjeç, banues në Shkodër (Pedagog në Universitetin e Shkodrës)
* Rokin Daberdaku, 44 vjeç, banues në Shkodër (Pedagog në Universitetin e Shkodrës)
* Ndoc Deda, 51 vjeç, banues në Shkodër (sekser)
* Vebi Bala, 65 vjeç, banues në Shkodër (sekser)
* Ermal Lera, 30 vjeç, banues në Shkodër (sekser)
* Brunilda Alushi, 22 vjeçe, banuese në Burrel (studente)
* Vebi Alushi, 50 vjeç, banues në Burrel
* Arsen Lekaj, 20 vjeç, banues në Shkodër (student)
* Renato Trushi, 20 vjeç, banues në Vau Dejes (student)
U bë shpallja në kërkim dhe punohet për kapjen e shtetasve :
* J.H. 20 vjeç, banues në Lezhë, (student)
* E.B 21 vjeçe, banuese në Vau Dejes (studente)
* B.H 25 vjeç, banues në Vau Dejes, (student)
* A.H. 21 vjeç, banues në Shkodër, (student) Materialet proçeduriale iu referuan Prokurorisë së Rrethit Gjyqësor Shkodër për veprat penale, “Korrupsioni pasiv i personave që ushtrojnë funksione publike”, “Korrupsioni aktiv i personave që ushtrojnë funksione publike” dhe “Ushtrimi i ndikimit të paligjshëm ndaj persona që ushtrojnë funksione publike”, parashikuar nga nenet 259, 244 e 245/1 të Kodit Penal.
Ja cilët janë pedagogët e arrestuar dhe skema e korrupsionit
Një hetim i Prokurorisë së Shkodrës ka zbuluar se disa shefa departamentesh dhe studentë të Fakultetit Filologjik në Universitetin “Luigj Gurakuqi”, nëpërmjet disa personave që kryenin rolin e sekserëve, kanë krijuar një skemë korrupsioni në dhënien e provimeve, në vlera monetare që varionin nga 200¬ 700 euro.
Në vijim të një hetimi disa¬mujor, të filluar në bazë të informacionit të Policisë, Prokuroria e Shkodrës ka marrë nga gjykata lejen për arrestimin e personave të përfshirën në veprimtarinë e paligjshme. Masat e sigurisë janë ekzekutuar gjatë mesditës së Hënë (dt. 21.11.2016) nga ana e forcave të Policisë Vendore.
Në kuadër të këtij procesimi penal, Prokuroria e Shkodrës ka zhvilluar hetimin proaktiv, në bazë të të cilit është zbuluar roli i personave, si edhe janë krijuar dyshimet e arsyeshme se ata bashkëpunonin me njëri¬tjetrin, për të ndihmuar studentë të ndryshëm, në këmbim të parave, që të merrnin provimet, kryesisht në degën e Historisë.
