Policia e Fierit ka zbuluar lëndë narkotike dhe armë, duke vënë në pranga tre persona falë operacionit të zhvilluar ditën e djeshme ku u sekuestruan 9 kg kanabis sativa, 5080 fara kanabisi, një kallashnikov me dy karikatorë, një armë gjahu teke pa leje dhe një gjerdan me 23 fishekë arme gjahu.
Leonidha Simaku, 58 vjeç, banues në fshatin Rreth Libofshë, Fier u vu në pranga pasi nga kontrolli i ushtruar në banesën e tij u gjet dhe e sekuestrua 8.6 kg kanabis sativa dhe 5080 fara të po kësaj bime.
Gjithashtu u arrestuan babë e bir, Pëllumb Simaku, 45 vjeç dhe Nasi Simaku, 72 vjeç, banues në fshatin Rreth Libofshë.
Nga kontrolli i ushtruar në banesën e tyre u gjetën e sekuestruan 310 gramë lëndë narkotike kanabis sativa, një automatik kallashnikov me dy karikatorë, një armë gjahu teke pa leje, një gjerdan me 23 fishekë arme gjahu.
I arrestuari i katërt është Romario Kita, 23 vjeç, banues në lagjen “11 Janari”, Fier.
Arrestimi i tij u bë pasi në vendin e quajtur “Varrezat e Dëshmorëve”, i’u gjet e bllokua në cilësinë e provës materiale 3 gramë lëndë narkotike kanabis sativa. Ndaj të arrestuarve vijojnë ende hetimet, ndërsa materialet i kaluan Prokurorisë së Fierit për veprat penale të “Prodhimit dhe shitjes së narkotikëve”, “Prodhimit dhe mbajtjes pa leje të armëve luftarake dhe municionit” dhe “Prodhimit dhe mbajtjes pa leje të armëve të gjahut dhe sportive”.
