Një aksident tragjik ka ndodhur në orët e vona të mbrëmjes së kaluar në Kodër-Kashar, ku kanë humbur jetën 3 pasagjerë.
Makina e drejtuar nga 27-vjeçari Zija Murati, ka dalë nga rruga dytësore “Hajdar Valisi”, mbrëmë rreth orës 23:30, si pasojë kanë humbur jetën 2 vëllezër dhe kushëriri të cilën ishin pasagjerë në këtë mjet.
Fatkeqësisht kanë ndërruar jetë pasagjerët Ismail Sula 40 vjeç, Lulzim Sula 47 vjeç dhe Dashamir Dema 39 vjeç. Ismail Sula dhe Lulzim Sula janë vëllezër me njëri tjetrin, ndërsa viktima tjetër është kushëriri i tyre.
Kurse shoferi i makinës ndodhet në spital, nën kujdesin e mjekëve. Policia ka shkuar në vendin e ngjarjes dhe vijon hetimet për zbardhjen e saj.
