Një operacion blitz i policisë italiane i ka sekuestruar 5 kg heroinë, tre shqiptarëve, si edhe 20 mijë euro para kash.
Në pranga kanë rënë dy burra dhe një grua, të moshës 34 dhe 35 vjeç.
Aksioni është zhvilluar nga agjentët e Milanos, të mërkurën e 3 marsit. Gjithçka filloi pas kontrollit të një automjetyo ku udhëtonin një çift shqiptar.
Nga ku gjatë kontrollit u zbuluan 1 kg heroinë. Më pas agjentët kryen kontroll edhe në banesën e çiftit, ku banonte edhe një shqiptar i tretë.
Brenda banesës u gjetën edhe katë kile heroinë, 500 gr kokainë si edhe 20 mijë euro. Jo vetëm kaq, por u gjetën edhe 8 kg substance të ndryshme droge si edhe celularë të shumtë.
Të tre shqiptarët u arrestuan dhe do të akuzohen për mbajtje dhe shpërndarje të lëndëve narkotike.
