Një i ri është vënë në pranga pasi akuzohet se ka përndjekur dhe shantazhuar një vajzë 18 vjeçe.
Policia njoftoi se nga specialistët për hetimin e krimit në komisariatin e Bulqizës u bë arrestimi në flagrancë i shtetasit E.T., 24 vjeç, banues në Bulqizë, për veprën penale “Përndjekja”.
Arrestimi i tij u bë pasi në mënyrë të përsëritur ka shantazhuar dhe përndjekur një 18-vjeçare.
Materialet procedurale në ngarkim të shtetasve të lartëpërmendur i kaluan Prokurorisë pranë Gjykatës së Shkallës së Parë Dibër për veprime të mëtejshme, shtuan të njëjtat burime.
