Kleton Bici, 27-vjeçar është vetdorëzuar në policinë italiane. Mesa duket shqiptarit i akuzuar për trafik droge nuk i kishte mbetur zgjidhje tjetër përveçse të paraqitet vullnetarisht në komisariatin e Olbia, Itali.
Ndaj tij ishin lëshuar dy urdhër-arreste për trafik droge, njëra prej të cilave në nivel evropian dhe ndërkombëtar.
Karabinierët e Olbia, arrestuar Kletonin 27 vjeçar pasi ai u paraqit në Komisariat vullnetarisht para oficerëve që kishin udhëhequr hetimin për të cilin është lëshuar urdhri i ndalimit. I arratisuri, përveç një urdhër arresti lëshuar nga Gjykata e Cagliari, kishte edhe urdhër arresti ndërkombëtar lëshuar nga Drejtoria e Qarkut Anti-Mafia të Cagliari në muajin Maj të vitit 2016, në kuadër të hetimeve dhe operacionit të quajtur “Polo Est”, në kuadër të të cilit ndodhen tashmë në burg tridhjetë persona të kombësisë italiane dhe shqiptare nga banda e cila trafikonte drogë.
Hetimet kishin zbuluar bandën e trafikut ndërkombëtar të heroinës dhe kokainës, e cila operon në Itali¬Shqipëri¬Holandë, duke sjellë edhe në sekuestrimin e 18 kilogramë kokainë, 4 kg heroinë, një armë Beretta e kalibrit 6.35, e cila rezultoi e vjedhur, rreth tridhjetë mijë euro dhe disa makina luksoze.
