Ka përfunduar procesi i votimit në Kolonjë për zgjedhjet e pjesshme për kryetar Bashkie. Sipas KQZ, janë mbyllur votimet në 36 qendrat dhe janë plotësuar të gjitha procesverbalet.
U thirrën në votim 16 mijë zgjedhës por pjesëmarrja në këto votime të pjesshme ka qenë 49%, ku u votua për kandidatin e opozitës Dritan Hajro dhe kandidatin e mazhorancës Ilia Selfo. Sipas KQZ procesi ka qenë i qetë dhe nuk ka pasur probleme, megjithëse opozita akuzoi përfaqësuesit e majtë për blerje votash.
