Një polic i pajetë është gjetur në orët e vona të pasdites së sotme, në Pejë. Burime për mediat në Kosovë thonë se viktima është Esat Sejfiq.
I ndjeri është gjetur i varur në objektin e Patriarkanës në Pejë. Ai është nga komuniteti boshnjak.
Lajmi është bërë me dije nga zëdhënësi i policisë së rajonit të Pejës, Driton Rugova, për mediat kosovare.
“Sot më datë 01/03/2021 ne ora 16:20 Policia në Pejë ka pranuar informatën se një zyrtar policorë është gjetur pa shenja jete. Menjëherë njësiti policor ka shkuar në lokacion si dhe janë informuar edhe njësitet tjera. Policia do ofrojë detaje të tjera, pas përfundimit të procedurave të nevojshme”, tha Driton Rugova.
Ndërkohë, nuk dihet identiteti i viktimës. Në medie qarkullon lajmi se punonjësi i policisë mund të ketë kryer vetëvrasje.
Ngjarja pritet të zbardhet nga policia e Kosovës.
