Jo pak herë e ka shndërruar zyrën e tij në skenë teatrale: herë duke tranportuar divanin për të imituar presidentin Obama, e herë të tjera me fëmijë duke luajtur dhe duke u treguar foto të vjetra të Tiranës. Ky teatër vazhdon edhe pse Veliaj ka mbushur vitin në krye të Bashkisë.
Sot ai postoi një foto në llogarinë e tij në Facebook, duke luajtur shah me një fëmijë. Veliaj paraqitet i menduar dhe i përqendruar së tepërmi në lojën e shahut. Por në foto duket qartë se kryebashkiaku i Tiranës s’di të bëjë asnjë lëvizje prej shahisti. Me siguri Erioni as që e ka menduar të bëjë një lojë të vërtetë shahu, pasi loja që atij i pëqen është ajo e imitimeve para aparatit fotografik, që nuk u mungon as kur bën sikur argëton fëmijët e argëtohet me ta. Për model edhe kësaj radhe ka zgjedhur presidenin Obama, ndonëse i njëjti model i pëlqen edhe presidentit të Afrikës së Jugut, Jakob Zuma. /Lapsi.al
