Kryetari i PD-së, Lulzim Basha, tha sot gjatë prezantimit të programit për pronat, se sot shqiptarët gëzojnë prona që nuk janë të sigurta.
“Garantojmë ekzekutimimin e veprimeve përfundimtare të kompensimit të pronës të pa ekzekutuara.Me përfundimin e legalizimit, garantojmë pronarët kompensimin e plotë dhe të drejtë të pronës”, tha Basha.
Ai theksoi se do të realizohet përfshirja në fondet e kompensimit fizike të pronave të konfiskuara për efekt të ligjit anti-mafia.
“Kërkesat e pa trajtuara do t’i nënshtrohen ligjit në kohën në fuqi në kohën e depozitimit të kërkesës në agjenci
Kërkesat e reja që nuk janë paraqitur më parë do të trajtohen në frymën e ligjit të ri. Drejtësia është në themelin e çdo veprimi të mirëqeverisjes”, tha Basha.
Kreu demokrat u shpreh se do i jepet fund abuzimit me pronën në favor të një investimi publik, ndërsa tha se ndërtimi i një sistemi të rregullt do t´i japë fund kaosit kadastral.
“Pronarët janë penguar të bëjnë transaksione me pronën e tyre. Prona nuk mund të kuptohet pa lirinë po as liria nuk mund të kuptohet pa pronën.Përfundojmë procesin ekonsolidimit të sistemit të regjistrimit të pasurive të paluajtshme. Do të hartojmë një harte unike kadastrave me mbulimin në gjithë territorin e vendit”, theksoi Basha.
Në vijim, ai tha se do të krijohet një agjensi ombrellë që përfshin të gjitha agjencitë që kanë në fokus pronën private dhe do të ketë kontroll antikorrupsion brenda kësaj agjencie.
