Kenan Imirzalioglu, aktori i njohur për rolin e Ezelit në serialin e famshëm turk, së shpejti do të rikthehet në ekran me një serial të ri.
Mediat turke shkruajnë se Kenan do të jetë së shpejti pjesë e një seriali të ri, i cili do të transmetohet në platformën “Netflix”, megjithatë ende nuk ka asnjë informacion zyrtar nga aktori apo grupi i punës.
“Kush do të bëhet milioner”, një program të cilin aktori e drejton në televizion, është ndërprerë prej më shumë se 3 muajsh.
Pritet që Imirzalioglu të kthehet në sheshin e xhirimeve shumë shpejt, edhe pse ende nuk është bërë asgjë publike nga kontrata e re e aktorit.
Aktori është bërë baba për herë të parë në muajin tetor të 2020-ës, teksa mirëpriti në jetë së bashku me bashkëshorten e tij Sinem Kobal, një vajzë.
