Qyteti i Sarandës është vlerësuar si qyteti i palmave, por “bubureci i kuq” po e kushtëzon ekzistencën e tyre përgjatë bulevardit kryesor.
“Bubureci i kuq” ka depërtuar në indet dhe në palcën e palmave 40 vjeçare dhe po përhapet me shpejtësi të frikshme duke i kalbur ato.
Kjo dukuri u pa për herë të parë në vitin 2012, ku ndërmarrja e gjelbërimit e Bashkisë Sarandë nisën spërkatjen me kimikate për rigjenerimin e palmave.
Specialistët thonë se në këtë stad që ka avancuar sëmundja e palmave është e domosdoshme që të spërkaten 1 herë në muaj dhe jo një herë në 6 muaj siç ndodh aktualisht.
Qytetarët e Sarandës por edhe vizitorë të ndryshëm shprehen se palmat duhen zëvendësuar që të rikthehet bukuria e dikurshme e bulevardit qëndror të qytetit.
