Një 36-vjeçar, banues në Vlorë, ka mbetur i lënduar gjatë mesditës së sotme në autostradën Vlorë-Fier.
Rreth orës 15:30, në autostradën Vlorë-Fier, pranë fabrikës së kripës, një automjet tip “Volskwagen-Polo” me targë AA 013 HI, është përplasur me trafik-ndarësen.
Për pasojë është dëmtuar drejtuesi i mjetit, shtetasi R.Z., 36 vjeç, banues në Vlorë, i cili është dërguar në Spitalin e Vlorës për ndihmë mjekësore.
Grupi hetimor ndodhet në vendin e ngjarjes për sqarimin e rrethanave dhe për kryerjen e veprime të mëtejshme proceduriale.
