Në vitin 2020 para se raketa “AtlasV” të nisej për në planetin Mars, NASA hapi konkurs për të gjithë banorët e botës në rast se vërtetohet se aty ka jetë.
Sipas RTK, Bennet Nura konkuroi mes 100 personave dhe është përzgjedhur të jetë ndër banorët e parë zyrtarë të planetit Mars, njëherësh shqiptari i parë, nëse në të ardhmen aty do të ketë jetë.
“Ideja e këtij konkursi ishte që të zgjidhen 100.000 banorë virtualë të Marsit, nga 7.8 miliard banorë që ka bota. Këta të përzgjedhur tashmë janë edhe banorët zyrtarë të këtij planeti, ku në mesin e tyre jam edhe unë. Pra nëse planeti Mars bëhet i banueshëm, ne si të përzgjedhur jemi të parët që kemi të drejtë të jetojmë atje,” tha Nura.
Benneti studion shkencat kompjuterike, njëkohësisht ndjek edhe kurse të IT-së.
“Mua më lindi ideja të vendos emrin tim së bashku me të tjerët në planetin Mars, në marshimin nga vetë faqja e internetit e NASA-s, pasi po e reklamonte në faqen e parë. Aty vetëm duhej të plotësohej një pyetësor me pyetje personale dhe të dërgohej. Më pas më erdhi konfirmimi dhe pasaporta nga NASA’’, tha ai.
