“Spitalet publike, veçse nuk janë të akredituara nga Qendra Kombëtare e Cilësisë dhe Akreditimit të Institucioneve Shëndetësore, por kanë edhe një sërë problemtatikash, në lidhje me të drejtat për të sëmurët që shkojnë aty për të marrë një trajtim mjekësor”.
Deklarata u bë nga Prof.Dr.Isuf Kalo, specialist mjekësisë dhe ish-drejtor i kësaj qendre, në emisionin ALERT të Granit Sokolaj, i cili transmetohet çdo të premte në orën 18:10 në ORA NEWS.
Të sëmurët, pacientë apo konsumatorë, ishte tema e puntatës së sotme e emisionit ALERT, ku në studio ishte dhe Dr.Leonard Solis nga spitali Hygeia në Tiranë.
Si është situata sot në spitale? Si trajtohen pacientët? A i njohin të drejtat e tyre? Cilat janë të drejtat e pacienteve? A kane ku të ankohen për çdo padrejtesi qe iu behet dhe përse nuk ka asnjë organizëm që të jetë dedikuar mbrojtjes së kësaj kategorie? Të gjitha këto pyetje u shtruan gjatë programit, ndërkohë që Z.Solis foli për mënyrën e trajtimit të pacientëve në spitalin Hygeia Tiranë, ndërsa Z.Kalo për problematikat e sistemit shëndetësor publik në lidhje me pacientët.
