Studentja Mirela Ruko që i hodhi salcë në kokë ministres së Arsimit Lindita Nikolla, i ka kthyer përgjigje të gjithë anëtarëve të Partisë Socialiste që reaguan dhe akuzuan vajzën 24-vjeçare për veprimin e saj.
E ftuar në ‘Zonë e Lirë’ të Arian Çanit, Mirela Ruko ka thënë se “nuk ka përse t’i kërkojë falje ministres për veprimin simbolik në shenjë proteste, por është ministrja Lindita Nikolla që duhet t’u kërkojë falje maturantëve që kanë mbetur pa studime të larta dhe të japë dorëheqjen”.
“Kam një përgjigje kundrejt atyre që kërkojnë që unë t’i kërkojnë ndjesë ministres së Arsimit, unë kam vetëm një kërkesë ndaj ministres së Arsimit, që ajo të japë dorëheqjen”, tha aktivistja.
