Studentja Mirela Ruko që sulmoi pasditen e të enjtes me salcë Ministren e Arsimit, Lindita Nikolla është ftuar në emisionin “Zonë e Lirë” në TV Klan.
Mirela tha se në aktin simbolik të ndërmarrë nga Lëvizja “Për Universitetin”, kundër Reformës në Universitet, kanë marrë pjesë 10 pjesëtarë të lëvizjes.
Ajo tha se vendimi për të ngjyrosur ministren, nuk mu dha mua specifikisht, por ai u mor në grup.
“Unë e vendosa personalisht vetë për të bërë një gjest të tillë, jo nga pezmi personal, por si shenjë simbolike ndaj shurdhërisë së institucioneve ndaj ne studentëve që s’kemi mundësi ekonomike për të vazhduar më tej ciklin studimor”, tha ajo.
Ndër të tjera, Ruko tha se pasi hodhi salcën mbi ministren, punonjësit e Gardës së Republikës e kanë tërhequr zvarrë.
Ajo tha se personi që ka bërë videon, ka menduar që të shpëtojë filmimin, prandaj ky çast nuk shihet.
