Të Premten, në Kosovë, janë regjistruar edhe 340 raste të reja me koronavirusin e ri.
Shifra bazohet në 2.715 teestime, thuhet në raportin e Institutit Kombëtar të Shëndetësisë Publike (IKSHPK).
Sipas raportit, janë shënuar edhe 10 viktima, duke e çuar numrin e përgjithshëm të viktimave në 1.568.
Nga sëmundja janë shëruar edhe 411 pacientë, ndërsa raste aktive janë 6.737.
Që nga 13 marsi i vitit 2020 deri më 19 shkurt 2021, në Kosovë janë regjistruar 65.690 raste me koronavirus prej të cilëve 57.385 janë shëruar.
