Autoritetet në Brescia kanë dëbuar një 48-vjeçar shqiptar. Bëhet fjalë për një biznesmen të rëndësishëm, pronar i disa restoranteve dhe hoteleve në Valcamonica dhe në Liqenin Iseo. Sipas asaj që shkruajnë mediat italiane, autoritetet kanë nënshkruar të enjten në mbrëmje dekretin për ta përzënë nga shteti Italian, Gëzim Sallakun.
Ish-pronari i Darfo Calcio, siç shkruajnë mediat italiane, u dëbua pasi policia e konsideronte person të padëshiruar dhe se qëndronte jo në përputhje me dokumentet. Po ashtu ai konsiderohet i rrezikshëm nga policia.
Biznesmeni 48-vjeçar tashmë është kthyer në Shqipëri. Ai ka qenë në qendër të vëmendjes herë pas here pasi është arrestuar dhe gjykuar pas hetimeve për lloje të ndryshme krimesh që mediat italiane nuk i specifikojnë.
