Nëntë persona nga Islanda, Spanja, Shqipëria dhe Lituania janë në paraburgim për vrasjen e Armando Beqirit në Islandë, më 13 shkurt.
Dy persona u arrestuan të enjten, ndërkohë që askush nuk ka pranuar krimin në polici.
Armando Beqiri u qëllua për vdekje jashtë shtëpisë së tij.
Nëntë persona ndodhen tani në paraburgimdhe pritet vendimi për ta.
“Këta persona janë nga Spanja, Shqipëria dhe Lituania,” tha Margeir Sveinsson, ndihmës shef i policisë.
Ai tha se askush nuk ka raportuar asgjë në mënyrë vullnetare dhe policia po punon për të marrë informacione në lidhje me ngjarjen.
