“Në gjakxehtësi e sipër kam marrë makinën dhe e kam goditur. Nuk desha të kryej këtë krim, por gjithçka ishte e momentit”.
Kjo ka qenë dëshmia e 60-vjeçarit Mhill Gega dhënë para hetuesve, i cili mesditën e të mërkurës përplasi për vdekje me automjetin e tij 68-vjeçarin Mark Deda, ngjarje e ndodhur në fshatin Bungaj të Mirditës.
Ndaj autorit është ngritur akuza e vrasjes më dashje.
Ai po mbahet në dhomat e paraburburgimit të Komisaritit të Policisë Lezhë në pritje për tu njohur me masen e sigurisë e cila do të zhvillohet në Gjykatën e Rrethit Gjyqësor Lezhë.
Sipas burimeve autori dhe viktima kishin patur konflikte të vazhdueshme me njëri- tjetrin prej më shumë se 1 viti dhe për këtë ka qenë në dijeni edhe policia.
Madje pak kohë më parë Mark Deda bashkë me djalin e tij e kishin rrahur autorin e ngjarjes në baneses e tij dhe pas kësaj situatë konflikti mes tyre kishte agravuar edhe më tej.
Trupi i viktimës u gjet në rrugën e fshatit Bungaj nga banorë të zonës, të cilët njoftuan menjëherë policinë në lidhje me ngjarjen.
Nga tëresia e veprimeve hetimore rezulton se autori e ka goditur nga pas me makinë 68-vjeçarin dhe është larguar, për tu ndaluar nga policia pak ore pas ngjarjes.
Fillimisht u dyshua për një aksident rrugor, por më pas u faktua se ngjarje kishte qenë e qëllimshme, kjo referuar dhe konflikteve të mëparshme që kishin patur autori dhe viktima.
