Dy shqiptarët e shpëtuar një ditë më parë në kanalin e Otrantos, janë marrë sërish në pyetje nga policia italiane pas sekuestrimit të 17 thasëve me marijuanë.
Fillimisht ata dhanë alarmin, pasi motoskafi me të cilin udhëtonin pësoi një avari. Pas ndërhyrjes së rojeve bregdetare italiane, njëri prej tyre u arrestua, pasi rezultonte person në kërkim, i akuzuar për grabitje.
Disa orë më vonë Guardia di Finanza-s mblodhi në det 17 thasë marijuanë. Ka qenë një helikopter i agjencisë Frontex që ka parë nda ajri, ndërsa droga notonte në det e ambalazhuar dhe për t’i rezistuar ujit. Nëse hidhej në treg doga kapte vlerën e 2 milionë euro. /tvklan
