Këshilltarët e Partisë Demokratike në Këshillin Bashkiak të Tiranës i kanë dërguar një letër të hapur përfaqësuesve të organizatave ndërkombëtare dhe ambasadës së Shteteve të Bashkuara të Amerikës në Tiranë ku shprehin shqetësimin për funksionimin e këtij organi.
Sipas këshiltarëve të djathtë funksionimi i Këshillit Bashkiak Tiranë vijon të jetë thuajse krejtësisht jashtë çdo kuadri ligjor e procedural dhe në shkelje të hapur të të drejtave të këshilltarit e demokracisë së brendshme, por edhe të drejtave dhe detyrimeve që ka ky këshill në raport me komunitetin apo grupet e interesit.
Ata deklarojnë se Këshilli është mbledhur një herë në 2 muaj dhe se mbledhjet nuk njoftohen sipas ligjit 5 ditë më parë, duke marrë si shembull mbledhjen e 11 marsit ku u diskutua vendimi për ndryshimin e sistemit të taksave.
LETER – GRUPI KESHILLTAREVE PD – Bashkia Tiranë – 17 Mars 2016 (1)
(Boldnews)
