Mbrëmjen e nesërme, rikthehet Liga e Kampioneve dhe sfida kryesore do të jetë Barcelona-PSG.
Mauricio Pochettino ka zbuluar se ai i beson te lojtarëve të tij për të mposhtur Barcelonën në fazën e 1/16-ve të Championsit.
Gjigandët francezë do të jenë yllin e tyre, Neymar, kur të udhëtojnë në Camp Nou për ndeshjen e parë, megjithatë trajneri argjentinas ka një plan.
“Sigurisht që na duhen disa struktura dhe ide të qarta se si të sulmojmë dhe si ta ndalojmë Barcelonën të na sulmojë ,” tha Pochettino për UEFA.com.
“Por ne gjithmonë kemi besim tek lojtarët për të bërë punën e tyre në mënyrën më të mirë të mundshme dhe për të marrë një rezultat pozitiv.”
Ish-trajneri i Tottenham u pyet se si Ronald Koeman ka kthyer formën e mirë te Barcelona në javët e fundit.
“Unë kam parë gjithë evolucionin e Barcelonës , së pari nga shtëpia ime në Londër, kur Ronald mori detyrën,” shtoi Pochettino.
“Është e qartë që ekipi po lëviz në një fazë tjetër, në një kapitull tjetër. Sapo Ronald hyri, ai filloi të punojë për të marrë performancën më të mirë nga ekipi i tij.
“Tani, pas shtatë muajsh, Ronald ka vënë idetë e tij në praktikë dhe ekipi e di se çfarë pritet nga trajneri. Unë shoh një ekip solid me disa ide të qarta dhe lojtarë të mahnitshëm. Ata janë një ekip që dinë si të garojnë, një ekip që është ndërtuar për të fituar.”
Dëmtimet te PSG
Pochettino do të udhëtojë në Barcelonë pa lojtarë kryesorë si Neymar dhe Angel Di Maria për shkak të dëmtimit.
Kylian Mbappe pritet të udhëheqë sulmin e PSG së bashku me Mauro Icardi, Moise Kean, Julian Draxler dhe Pablo Sarabia të gjithë titullarët e mundshëm.
