Duka dhe Dukesha e Sussex, Harry dhe Meghan Marckle do të bëhen prindër për herë të dytë. Lajmin e ka bërë të ditur një zëdhënës i çiftit, raporton BBC.
“Ne mund të konfirmojmë që Archie do të jetë vëllai i madh. Harry dhe Meghan janë shumë të lumtur që presin fëmijën e tyre të dytë”, tha zëdhënësi i çiftit.
Deri më tani nuk dihet nëse do të jetë vajzë apo djalë, por djali i çiftit, Archie, do të jetë vëllai i madh.
Ndërkohë pas këtij lajmi, Meghan dhe Harry publikuan një foto bardh e zi të ulur poshtë një peme.
