Presidenti amerikan Barak Obama po zhvillon një vizitë lamtumire sot në Gjermani ku ka takuar kancelaren gjermane Angela Merkel, me të cilën ka mbajtur edhe një konferencë.
Në turneun e tij të fundit evropian si president, Obama do të përpiqet që të lehtësojë frikën për të ardhmen e partneritetit transatlantik dhe falënderon Merkel për miqësinë e saj, gjatë dy mandateve të tij, thanë zyrtarët e Shtëpisë së Bardhë, transmeton KosovaPress.
Në një deklaratë të përbashkët për vizitën e tij në Gjermani, Obama dhe Merkel bënë thirrje për bashkëpunim të vazhdueshëm në bazë të parimeve të përbashkëta për të luftuar ndryshimin e klimës, për të siguruar mbrojtjen kolektive brenda NATO-s, dhe për të promovuar tregtinë e lirë.
