Agim Ibraimi ishte autori i një goli në ndeshjen mes Tiranës dhe Kukësit, e mbyllur 0-2. Menjëherë pas takimit, lojtari i verilindorëve ka folur për Supersport. Ai beson se tani e mbrapa gjërat do shkojnë mirë, teksa pohon se erdhi kthesa e rezultateve.
“Më gëzon fakti se Kukësi po fiton. Nuk kanë rëndësi golat. Jam i kënaqur me golat, por shikoj se sa ecën Kukësi. Gjithmonë kam thënë që klubi ka lojtarë cilësor. Nuk jam i kënaqur me pozitën ku jemi. Fitorja ndaj Tiranës është shumë e rëndësishme. Çdo ndeshje ka historinë e vet. Ne që në fillim kemi qenë pretendentë e na kanë marrë seriozisht të gjithë. Sot patëm karakter fitues. Unë e kam thënë edhe më parë, që duhet të merret me seriozitet çdo ndeshje. Vazhdimësia sjell sukses dhe ne mendojmë se do e vërtetojmë se jemi në linjë me vazhdimësinë.
Çdo skuadër është e fortë. Do e veçoja Laçin dhe Vllazninë si ekipe të forta. Laçi ka sjellë shumë pozitivitet me atë agresivitet që ka. Këto dy ekipe mendoj se janë shumë të forta. Ferhan Hasani? Ngacmimet me Bubën kanë nisur, pa merak sepse do jetë zjarr”.
